（圖片來源）
首次進行台灣自由行既你，係咪都好迷茫呢???
Fion會將自己到台灣+姐妹既經歷，比大家些少tips甘囉~~亦都希望大家台灣自由行，成功!
❀台灣自由行準備 の money問題
1港幣大約兌換3.73左右台幣，浮動不大。個人建議一定要帶上足夠現金同一張visa信用卡!因為台灣有部份地方，例如酒店只可以刷visa卡；而夜市行街買小食又只可以用現金…
提議大家可以先係HK兌換左再過台灣，甘就有備無患喇，唔係一落機就要過去機場兌換處度排隊，浪費時間得來又煩人~~~
❀台灣自由行準備 の 交通問題
從香港到台灣既航班可以話都幾多下，幾乎航空公司都會有；如果話係直航到台灣既話，就有6間：中華 CI、中華 CI、國泰 CX、港龍 KA、長榮 BR、華信 AE、香港快運 UO!
而班次最多既，當然係兩地最大既四間：CX，KA，CI同BR啦，每日都會有超過十個航班
價錢方面，四間幾乎都一樣，由HKD800至1200(depends on season)再加tax，不過機票都有特價既，睇你揀得啱唔啱囉
如果你想check實時票價，可以到à呢度，但要謹記選擇你響台灣邊個地方落窩!!!
而全台灣就只有台北同高雄有高鐵，同埋台灣坐公車唔係甘方便，不過台灣自由行仲可以選擇台鐵（普通火車）同客運
一般火車站旁邊就有客運站，好方便（P.S.客運唔同時段價格唔同，一般週五六日比較貴）
❀台灣自由行準備 の 住宿問題
台灣自由行，住宿都係一個頗重要既問題噢!!!可以先決定台灣自由行線路，再依據線路查看景點周圍既酒店或民宿~~
宜家去台灣自由行住宿都好方便架喇，因為有好多酒店或民宿都可以上網先book定，同埋一般民宿都可以砍價，100台幣上下浮動（P.S.另外週五、週六晚上係假日價，會比平日高出許多，book時要睇清楚喇）
Fion係度介紹2個台灣住宿網址，有需要既朋友可以參考：
à台灣住宿網
à台灣民宿
❀台灣自由行準備 の 行李衣服問題
衣服問題可以參考行程景點+天數+天氣再決定，個人建議帶比較百搭既就好!!!
因為台灣除左景色靚，小吃正仲有就係衣服都好有自己既style，如果係女生過去，一定會忍唔住心鬱鬱要“掃貨”
私人建議：
①係book酒店時候可以詢問，有無自助洗衣服務，如果有可以先同酒店確認好，就唔需要帶甘多衣服喇!!②帶儘量大的行李箱，因為特產好多…
❀台灣自由行準備 の 其他問題
①台灣自由行適合季節：除了1、2月份（太凍）同7、8月份（太熱）外，其他時間都OK
②旅遊服務中心：係台灣，每個景點都會有旅客服務中心，一係可以摞免費資料（如地圖、行程建議等），二來可以蓋紀念章，好得意架（大家出門前記得要預備一本空白本子收集喇）
③時間安排：台灣既商店開門都幾遲下，都中午11點後先會出現，而為大家所周知既夜市一般就要下午5、6點之後，所以大家可以將遊山玩水既時間排係早上，而吃喝時間，則可以留係下午同晚上喇!!!
台灣自由行，好簡單!!!只要前期工作做好，自由行時間只是吃喝玩樂，當然會係輕鬆又enjoy喇!!!
更多有關台灣自由行資訊，就要mark實Fion囉窩!!
(FB有更多既超靚婚紗相參考!!!)
拍攝前準備功課 台灣婚紗景點大推薦!!! 婚紗相拍攝前→「必看攻略」
婚紗道具大全
拍攝前準備功課 台灣婚紗景點大推薦!!! 婚紗相拍攝前→「必看攻略」
婚紗道具大全
没有评论:
发表评论