我念好多姐妹們喺婚禮籌備過程時，都會先到網上search下婚禮籌備既資料，Fion都唔例外，哈哈!
不過Fion係search資料時，有留意到好多姐妹對婚禮籌備過程中既事項都唔係好明白，好似結婚應該要點樣開始籌備喇，結婚當日既順序係點樣喇，同埋有好多注意事項，大家都沒辦法搵到好齊全既資料，都好苦惱.
確實，本來結婚既籌備就好麻煩，仲要記住咁多繁瑣既東西，就好容易忘記，所以Fion有上網search到好多資料，就連Fion我都有按呢個流程係度籌備緊婚禮!
※結婚籌備流程表※
01. 決定結婚日期,結婚既儀式及婚宴方式以及影婚紗相公司
02. 決定影婚紗相日期以及取婚紗相時間
03. 選擇婚宴地點(飯店、餐廳或自家),若選擇飯店、餐廳，應親自到場詳細洽詢費用、菜色、宴會場地佈置方式及交通地理位置、是否有停車位等等
04. 對整個婚禮既總支出先作個預算
05. 與結婚日既工作人員聚會,談及婚禮有關事宜( 如會場佈置、祝詞內容、餘興節目、會場既工作分配等)
06. 預約禮車以及拍攝錄影公司
07. 婚禮前兩個星期到婚紗公司做最後一輪既試穿,以確認婚紗大小合適與否
08. 選購一d小型既結婚禮物,係婚宴結束送客時比賓客做紀念
09. 婚宴前一週以電話確認婚宴來賓既人數,以免同估計既出入太大
10. 婚禮前一週新郎新娘要做好保養工作(詳細既我會係下邊介紹)
※結婚當天的流程表※
01. 新娘喺出嫁當日約定化妝師上門化妝(吉時前,最少預一個鐘以上,但呢個可以同化妝師預約時商量好)
02. 約定姊妹到女家佈置或預備遊戲道具,女方家人煲定熱水新人敬荼用,預備拜神物品
03. 新郎一早就約定兄弟到自己家中佈置花車,或一早搵定人到花店拎花球,預備開門利是,喺吉時前到達新娘家接人
當中包括玩遊戲,逗開門利是等等既動作
04. 接到新娘後就拜神,向長輩敬茶,影相
05. 出發到男家,兄弟姊妹要幫手拎其他物品(記得將新娘斟茶的新茶具一同帶往男家斟茶用)
06. 吉時前到達男家并入門,拜祖先,斟茶給老爺奶奶長輩,之後一家人食飯.新娘新郎記得派利是給兄弟姊妹
07. 一齊都準備妥當後,到酒樓參加婚宴
08. 通常新娘就會趁呢個時間回門(如果時間許可),但如果要趕去婚姻署冊處註冊就要預好時間,所以有D人約下午2~3 點先註冊就會輕鬆少少.註冊時記得帶身份証和介子
09. 大概下午4~5 點就要去酒樓酒店打點一切.新娘最好約化妝師早少少到酒樓補化妝,另外一對新人可以趁未有嘉賓到賀前影番多少少2 人合照,因為晏少少人多就多數同親戚朋友影,反面雙人合照幾會會少,有好多朋友過後睇番D 相都覺得少新娘單人相,心愛的晚裝相更少
※結婚當天酒席安排的流程表※
01. 新人進場 係開席前,由司儀宣佈新人進場,賓客可報以熱烈掌聲
02. 司儀致謝 司儀在宣佈新人進場以及就座後,略述一對新人的相識經過,代表全場賓客祝賀一對新人
03. 新人致謝 新人上台向到賀賓客致謝,特別係向雙方家長表示感激,演辭應該精簡
04. 儀式進行
通常酒店都會預備結婚蛋糕供一對新人作切餅之用.新人於致辭後可即進行切餅儀式
05. 祝酒 儀式之後,新人交杯,然後向全場嘉賓舉杯敬酒致謝
06. 敬酒 在食翅之後,由新人及坐主家席的成員向每席敬酒.若席數太多,新人可於台上敬酒致意
07. 玩新人 婚宴吃飯後,親戚朋友同事都可以準備一連串既遊戲來玩新人,將婚宴既氣氛推上高潮
08. 送客
大約上甜點既時侯,爸媽以及新人要到出口處準備送客
※結婚需要注意的事項※
01. 安床後到新婚夜前,要穩一位大生肖,如肖龍既男孩陪睡
02. 結婚當天,邊個都唔可以接近或觸碰新床,直到晚上新人就寢
03. 結婚日新娘出門時,姑嫂不能相送,要回避(因為 "姑" 跟 "孤" 同音,而 "嫂" 跟 "掃" 同音,不吉利)
04. 新娘出嫁衣服忌有口袋,以免帶走娘家財物
05. 新娘進男家門時忌腳踏門檻,應要跨過去
06. 生肖屬虎者,不能觀禮及進新房
07. 在迎娶途中,如禮車和別人的禮車相遇,叫[喜沖喜].可以燃放鞭炮或由各方媒人交換花朵,據說可以化解不祥
08. 新娘當天,在未就寢之前不能躺下
09. 三日後新郎需帶新娘回家,簡稱回門
※其他項目需要注意的事項※
影婚紗相需要注意既問題：
01. 前一晚少飲水,以免眼睛浮腫
02. 接近影婚紗相前新娘避免曬太陽同唔好食刺激性食物
03. 當日新娘穿著無肩帶內衣或者隱形內衣,上衣記住要著前開扣式服飾
04. 前一晚唔好噴摩丝服饰,特別係新郎
05. 當日新娘要帶一雙高跟鞋和舒服既平底鞋.新人高度相差最佳差距為八公分
06. 當日新娘千其唔可以係屋企自己化妝,以免造成造型師既困擾
07. 影婚紗相時如果要佩戴眼鏡,請準備空鏡框,如果係近視既最好係帶兩副眼鏡過去
08. 當日新郎應當在家自行整潔面部,提前將頭髮整理
09. 當日新郎著黑色皮鞋,唔好著花色或深色既内裤
10. 影婚紗相時如果太緊張,可以同另外一半兩個人戀愛時既事情,分散注意力,放鬆自己
婚紗禮服挑選需要注意既重點：
01. 如何挑選婚紗禮服才是最好的
❤膚色偏黑,唔好挑選顏色太淺既禮服,會顯得更黑
❤如果身材嬌小,可以挑選短款既婚紗禮服,身材比例會顯得很修長❤偏肥既新娘可以考慮平口的禮服來拍照,千萬唔好挑選有細肩帶既禮服
02. 拍外景最好選擇什麽禮服
❤唔好讓外景吃掉禮服的顏色,這樣結婚照就不好看囉
❤最合適結婚照外拍禮服既顏色係黃色和紅色,會令結婚照睇起來顯膚色
03. 婚紗禮服既風格應如何選擇
❤如果係影婚紗相既禮服,可以嘗試一下不同風格的禮服來拍結婚照.例如復古宮廷風、氣質淑女風、活潑可愛風等等
❤如果係婚宴時既禮服,就要考慮場地,顏色等等方面
哈呼!
雖然Fion知道自己分享既資料都唔夠詳細，不過依然希望各位姐妹可以多多捧Fion既場，我仲會陸續有分享架^o^
Halo~ 我係出年年底B2B，
回复删除大家交流下丫，可以add我嗎？